GURASOENTZAT OHARRA

KUADRILLATEGI

            Guraso agurgarriak:

            Idatzi honen bidez gure berri eman nahi dizuegu. Dakizuen bezala, urte hau nahiko berezia da COVID19a dela eta. Horregatik, Kuadrillategi egitasmoa egoera berrira moldatu behar izan dugu. Gauzak behar bezala antolatzeko, ohiko data baino beranduago hasi gara, azaroaren 27an eman baitiogu hasiera.

            Urtero, guraso bilera antolatzen dugu egitasmoaren nondik norakoak jakiteko, zuen zalantzak argitzeko eta ekarpenak entzuteko. Oraindik denak biltzeko aukera ez dugunez, idatzi hau prestatu dugu zuengana heltzeko. Hala ere, aurrerago, guraso bilera egitea dugu buruan. Bien bitartean, honakoa adierazi nahi dizuegu:

Ø  HEZITZAILE TALDEA:

·         Elizaldeko DBH1eko taldearekin Nerea eta Uxue.

·         Haurtzaroko DBH1 eta DBH2ko taldeekin Ugaitz, Lide eta Itsaso.

 

Ø  ORDUTEGIA:

·         DBH1: ostiraletan 17:00etatik 19:00etara.

·         DBH2: ostiraletan 19:30etik 21:30era.

·         Elizaldekoak Elizaldeko jantokian elkartuko dira eta Haurtzarokoak Haurtzaroko jantokian.

 

Ø  PLANGINTZA:

·         Ez dugu plangintza finkaturik, gazteek nahi dituzten ekintzak burutzea delako gure helburua. Horretarako, eguraldia eta eguna kontuan hartzen ditugu. Egoera berezi hau dela eta, beste urteetan egin ditugun ekintza batzuk burutzeko zailtasunak ditu. Hala ere, gazteen gustukoak badira, momentuan dauden neurriak jarraituta betetzen ahaleginduko gara.

·         Kuadrillategi egitasmoan parte hartzeko ordaindu behar ez den arren (Udalak ordaindutako egitasmoa baita), zenbait ekintza burutzeko dirua jarri beharko du gazte bakoitzak.

·         Zenbait ekintza burutzeko baliteke gazteen ordutegia aldatzea. Hau lehendik abisatuko zaie aurreko ostiralean.

 

Ø  ASISTENTZIA:

·         Ostiralero asistentzia pasako dugu, COVID19 kasu bat ematen bada, zuekin harremanetan jartzeko. Gazte batek ostiral batean etortzerik ez badu, lehendik jakinaraztea eskertuko genuke, ahal bada arrazoia zehaztuz.

 

Ø  OHITURAK:

·         Momentuan COVID19a dela eta ezartzen direnak.

·         Mugikorraren erabilera mugatu egingo dugu. Hau da, soilik zenbait ekintza burutzeko erabiliko ditugu. Gure asmoa, gazteak beraien artean mugikorrik gabe harremantzea da.

·         Kuadrillategi orduetan, soilik kalean eta elkarrekiko distantzia mantendurik jateko aukera izango da.

·         Ez ditugu paperean oharrak banatuko. Gazteei komunikatuko diegu ostiraletan behar duguna. Gazte bat ez bada etortzen, bere ardura izango da informazioa lortzea.

·         Zenbait ohar blogean jarriko ditugu, beraz, noizbehinka begiratzea gomendatzen dugu.

 

Ø  HARREMANETARAKO BIDEAK:

·         Korreo elektronikoa: kuadrillategi@tturttur.eus

·         WhatsApp zenbakia: 686966942 (soilik ostiraletan erantzungo dugu, 17:00-21:30)

·         Ttur-tturreko zenbakia: 943260182 (soilik asteartetan erantzungo dugu 17:30-20:00)

·         Bloga: https://kuadrillategioiartzun.blogspot.com/

 

            Edozein zalantza galdetu edota ekarpenik egiteko, jarri gurekin kontaktuan mesedez. Laster elkar ikusiko dugulakoan, jaso gure agurrik beroena.

 

            Kuadrillategiko hezitzaileak